Sunday, December 4, 2011

Salcë ekzotike me spec të kuq djegës dhe arra kokosi

Kjo salcë pikante përdoret për të shoqëruar peshk të zier ose makarona llazanja.


Për 8 persona nevojiten:

* 10 gr.speca të vogla djegëse, të prera hollë e pa farëza
* 20 gr. speca jeshile djegëse, të prera hollë e pa farëza
* 100 gr. gjalpë
* 250 gr. karkaleca deti të qëruar (sipas dëshirës)

Për beshamelin me arra nevojiten:
* 30 gr. gjalpë
* 400 ml. qumësht arrash kokosi
* 30 gr miell
* 2 thelpinj hudhër të shtypura ose të grira hollë
* 1 lugë supe salcë soje
* kripë dhe piper
* arrë moskati e bluar

Gatimi
Në fillim përgatitet beshameli me arra kokosi. Përgatiteni përzierjen duke tretur fillimisht 30 gramët e gjalpit në një tenxhere të vogël e duke shtuar më pas miellin.

Lëreni në zjarr të ngadaltë për dy minuta, duke e përzier vazhdimisht. Më pas shtoni qumështin e arrave të kokosit dhe lëreni derisa të marrë valë. Hidhni kripën, piperin dhe arrën e moskatit dhe vazhdojeni zierjen për 20 minuta, duke e përzier vazhdimisht.

Pasi ta keni hequr tenxheren nga zjarri, hidhni salcën e sojës dhe hudhrat.

Për të gatuar specat përdorni një tenxhere tjetër, ku do të ngrohni në fillim 100 gr. gjalpë derisa të marrë ngjyrë. Shtoni specat dhe hidheni menjëherë masën e përgatitur në beshamelin me arra kokosi, duke e përzier vazhdimisht derisa specat të homogjenizohen në të plotësisht. Nëse dëshironi, në fund të gatimit mund të shtoni karkaleca deti.
Kjo salcë serviret e ngrohtë.

No comments:

Post a Comment