Monday, January 9, 2012

Picë me makarona


Për 4 persona nevojiten:

* ½ kg makarona spirale
* 300 gr sallam
* 400 gr kërpudha të freskëta
* 300 gr kaçkavall
* 1 lugë kafeje rigon
* 200 ml shtalp
* 100 gr keçap
* vaj, kripë, piper i zi


Gatimi

Në tenxheren me ujë në zjarr hedhim vaj dhe kripë dhe i ziejmë makaronat. Makaronat i derdhim në kullojës, i shpëlajmë me ujë të ftohtë dhe i lëmë të kullojnë.
Kërpudhat i presim në fije të holla dhe i skuqim në vaj.

Hedhim vaj në enën e qelqit rezistuese ndaj zjarrit dhe në të e vëmë gjysmën e makaronave të kulluara. Pastaj, në enë i vëmë kërpudhat e skuqura. Sipër i hedhim makaronat e mbetura. Hedhim sipër kripë, piper të zi, keçap dhe rigon. Në enë e hedhim shtalpin, përziejmë me lugë dhe i rendisim fetat e sallamit. Sipër sallamit e hedhim kaçkavallin e grirë.

Enën e vëmë në furrë. Pjekim 15 minuta, në temperaturë prej 200 gradë.

Picën me makarona e presim në copë. Një copë vëmë në pjatën për servirje. Pjatën e zbukurojmë me një gjeth sallate jeshile, mbi të cilën vëmë tre topa shtalpë. Në anën tjetër vëmë feta domatesh. Zbukurimin e përfundojmë me një degë kopri.

No comments:

Post a Comment