Mish role

Përmbajtja për katër persona:
* 4 eskalopë viçi
* 4 feta të holla proshutë
* 150 gr djathë
* 50 gr gjalpë
* 1 filxhan të vogël me krem të freskët
* 2 lugë gjellë vaj
* 2 limonë
* pipër, kripë dhe majdanoz

Përgatitja:
Prijeni djathin në feta sipas gjatësisë së eskalopëve. Vini midis çdo eskalopi dy ose tre feta djathë dhe një fetë proshutë.

Rrotullojini fetët e eskalopëve dhe u ngulni nga një shkop kokteji (ose shkop dhëmbësh). Mund t’i lidhni edhe me pe kuzhine për mish, por mos e shtrëngoni shumë.

Ngrohni vajin dhe gjalpin në një tigan. Sapo të bëhet yndyra me ngjyrë kafe, vini copat e rrotulluara të mishit në tigan. Skuqini derisa të gjitha anët të marrin ngjyrë flori ose kafe nga e skuqura.

Uleni zjarrin dhe lerën mishin të skuqet ngadalë për 10 minuta. Hidhini përsipër lëngun e limonëve dhe disa luge gjelle krem. Provoni salcën dhe shtojini kripë e pipër sipas dëshirës suaj.

Vendosni në pjatë të ngrohura më parë pak garniturë me feta limoni dhe disa gjethe majdanoz.